As God sê Hy voorsien, doen Hy!

Ek moet hieroor getuig, want God sê Hy sal voorsien en Hy doen!

Ek het verlede maand gesaai in God se Koningkryk vir ‘n bediening wat geld nodig gehad het om voort te kan gaan met Evangelisasie. Ek het geweet dat my finansies knap is en dat ek dit nie regtig kan bekostig om die geld oor te betaal nie, maar ek het in my hart gevoel ek sal sonder die geld kan deurkom, en het die geld oorbetaal.

Nog voordat ek my eie kruideniersware gekoop het, het ek gehoor van ‘n familie in groot nood. Mense wat geen kos in hul huis het nie, ek het die oggend wakker geword en was honger, toe skielik se die Heilige Gees, “jy gaan eet want jy is honger, daardie mense is ook honger en het niks om te eet nie”. Ek het die broodblik toe gemaak, sonder om te eet en dadelik vir die mense geld oorbetaal om kos te gaan koop.

Weereens het ek geweet dat ek nie die maand my eie kruideniersware gaan kan koop nie, nie nadat ek twee betalings gemaak het wat ek weet ek nie kan bekostig nie, dit is vandag die 30st Julie, ek het hierdie maand net groente gekoop vir my eie huis, ek het Junie maand al uit vleis gehardloop. Hoe ongelooflik dit ook mag klink, het ons die hele Julie maand elke dag vleis gehad om te eet, hoe dit moontlik was sal net God weet, dit was net asof daar elke aand wanneer ek moes kook vleis in die yskas was.

My salaris word eers die 31ste inbetaal (more) wat op ‘n Sondag val so die fondse sal eers Maandag beskikbaar wees, ek het nog kos tot Maandag! Sonder dat ek enige vleis die maand gekoop het, en nadat ek ‘n skenking ontvang het van R800.00 laas Saterdag!  Met die skenking het elk die week melk en brood gekoop en kon ek nog iemand anders seen met R200.00 vir petrol.

God sê wat jy saai sal jy maai…en as jy met die regte gesindheid saai seen God jou oorvloedig. Ek het nie gesaai om te maai nie, ek het gesaai omdat ek  gevoel het ek wil die mense help, en omdat ek gehoorsaam was aan die Heilige Gees se stem toe Hy sê ek moet saai.

Ek wil aan ons Voorsiener God dankie sê dat Hy getrou is aan Sy Woord, want ek belowe dat net Hy weet hoe ek vleis in my lee yskas uitgehaal het hierdie maand en my eie gesin kon voed. Al die eer en lof kom God toe wat waarlik voorsien het omdat ek gehoorsaam was.

Groete

Annoniem

2Kor 14 Hy voer ons almal saam in Sy triomftog omdat ons een is met Christus, Deur ons versprei Hy kennis van Christus oral soos ‘n aangename geur.

Luk 9 Gelykenis van die 5 broode en 2 vissies – God is waarlik ‘n God van vermeerdering! Prys Sy Naam