Liefde Onverdiend

Dit was die eerste keer dat ek en my dogter saam was op ‘n Vadersdag. Sy was by geboorte aangeneem. Dit was ‘n fout, ‘n baie groot fout.

Vier jaar later is ek Wedergebore. Die volgende oggend in my kantoor  hoor ek duidelik die stem van die HERE wat sê: “Jy word verantwoordelik gehou vir die sieleheil van jou kind, nie die aanneemouers nie, want mens mag nie jou verantwoordelikhede in die lewe op ander mense afskuif nie.

Ek het dit onmiddellik begryp en wou my kind met all mag en hoop terughê. Ek wou regmaak wat ek verbrou het. Ek kon haar nêrens vind nie en het besef ek het net een opsie, ek moet elke dag van my lewe vir haar bid, dat die HERE haar siel sal red. Ek het.

Toe ek haar na 44 jaar vind, toe was sy as skoolmeisie gered.

Ons was saam in die kerk op Vadersdag. Ek was op my gemak. Die diens was mos vir ander mense bedoel. Hulle vra kinders moet na vore kom en nagmaal kom haal om hulle vaders te bedien. Steeds is ek rustig en skielik staan my dogter op en stap vorentoe. Ek kliek nog nie. Toe sy daar voor omdraai met die wyn en die brood toe weet ek, sy gaan vir die eerste keer in haar lewe haar pa op ‘n Vadersdag kom seën.

Toe loop my trane al. Sy’t gekom, my bedien, my gekus en gesê: Geseënde Vadersdag pappa. Ek is baie lief vir jou.”

“En hy sal voor Hom uitgaan in die gees en die krag van Elía, om die harte van die vaders terug te bring tot die kinders...” Luk 1:17. Maleagi het al profeteer: "Ek gaan vir julle die profeet Elia stuur voordat die dag van die Here kom, die groot, verskriklike dag. Elia sal vaders en kinders versoen...." Mal 4:5-6

Die dag toe God die skalpel opneem

SA Toraks-chirurg se verstommende getuienis
Die drama wat homself in die sewentiger jare in ‘n teater in HF Verwoerd Hospitaal in Pretoria afgespeel het, mag nou eers bekendgemaak word.
            Prof. JC van der Spuy het met ‘n pasiënt se oopgesnyde hart in sy hande gestaan. Behalwe snykunde om die hart te herstel, het Prof. Van der Spuy met ‘n skok besef dat ‘n klepvervanging ook nodig is.
            Die skok van die oomblik was dat daar geen klep beskikbaar was nie. Toetse vooraf het ook nie aangetoon dat ‘n klepvervanging nodig was nie.
            Hy kon die hart nie weer toemaak en terugplaas sonder om die betrokke klep te vervang nie.
            Prof. Van der Spuy het die gebeure destyds met my gedeel op voorwaarde dat ek dit nie bekend sal maak voordat hy weg is nie. Hy het op 87-jarige ouderdom heengegaan.
            As diep gelowige mens had hy geen ander uitweg as om hom tot God te wend nie.
            Hy het ernstig begin bid vir leiding. Toe hy hom weer kom kry was sy hande besig om weefsel uit die pasiënt se bobeen te sny en het hy staan en kyk hoe sy hande 'n klep uit die weefsel vervaardig.
            Die operasie was ‘n skitterende sukses en die klep het 100 persent gewerk.
            Sowat twee jaar later het presies dieselfde situasie met ‘n ander pasiënt opgeduik.
            Weer het hy gebid en gesê: Here, dis nie of ek dit al gedoen het nie. Gryp U tog weer in.
            En dieselfde prosedure het homself herhaal.
            Sy kollegas wat alles gadegeslaan het, het in beide gevalle nie besef wat gebeur het nie.
            “Mens moet besef dit was ‘n veel groter mediese wonder as ‘n hartoorplanting. ‘n Hartoorplanting is basies die diskonnektering van ‘n ou hart en die opkoppeling van ‘n nuwe hart. Wat hier gebeur het is ‘n mediese wonderwerk uit die hand van God.
            “Maar ek het gesien hoe die wêreld prof. Chris Barnard vereer het. Dit wil ek nie beleef nie want God moet al die eer kry vir wat daardie dag in daardie teater gebeur het. Belowe my, dat jy eers hieroor sal skryf die dag wanneer ek weg is,” het prof. Van der Spuy versoek.
            Hy het die betrokke dag ook aan my vertel dat sy navorsing getoon het dat die na-operatiewe herstel van ‘n gelowige baie vinniger geskied as die van ‘n ongelowige.
            Om hierdie rede het hy altyd by die eerste ontmoeting van ‘n nuwe pasiënt bepaal of die pasiënt Wedergebore is. As dit nie so was nie, het hy op sy besondere vaderlike en liefdevolle manier berading toegepas.
            Een keer toe hy sy siekesaal besoek het, het hy by ‘n pasiënt gekom wat die volgende dag ‘n hartoperasie moes ondergaan. Die pasiënt het plat op sy rug gelê, besig om ‘n sedebedorwenede tydskrif te lees.
            Prof. Van der Spuy het die boek sag uit die man se hande weggeneem en aan hom gesê: More-oggend haal ek jou hart uit. Jou lewe is in God se hande. Hoe kan jy op die vooraand van so ‘n groot operasie dit waag om hierdie smerige boek tussen jou en die Hemel  in te druk?”
            Hierop het prof. Van der Spuy ‘n Nuwe Testament aan die pasiënt oorhandig en aan hom gesê: “Vriend, dit is wat jy nou nodig het.”
            Vir hom was die redding van ‘n siel die grootste wonderwerk in ‘n mens se lewe.
            Oor genesing het hy gesê: “Of dit geskied deur die gebruik van ‘n skalpel, of deur medikasie of deur gebed, dit bly Jesus Christus wat genees, want die mediese wetenskap kon nie bereik het wat hy vandag doen, as dit nie deur God se wysheid aan die wetenskap geskenk is nie.”

·       Ek maak hiermee as skrywe ook nie my eie naam bekend nie, sodat die fokus en verering sentraal op God en Sy wonderbaarlike liefde kan val.

JAKOBUS 1:5  En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word.

Die Here red my uit ‘n gruwelike huwelik.

Ek was 17 jaar oud toe ek besluit om te trou om uit die huis te kom. Nie omdat my ouers slegte ouers was nie, maar omdat hulle geskei het en my ma die huis verlaat het. Die seer wat my pa deur gegaan het was te erg vir my om te sien, dus besluit ek toe om met ‘n man te trou wat 15jr ouer is as ek, en hier begin my nagmerrie!

Ek het hom alreeds ‘n jaar geken voordat ons getroud is, en nooit agtergekom dat hy ‘n vreeslike slegte humeur aan hom het nie, of dat hy te veel drink nie. ‘n Week voor ons troue, sien ek die eerste keer hoe ongevoelig en kwaad hy kan word toe hy my probeer verwurg oor ‘n argument. 

Ek bid en vra “Here gee my ‘n teken of ek met die man moet trou of nie” En die Here gee vir my ‘n teken maar ek verontagsaam dit. Ons het ‘n afspraak by die hof gaan maak om te trou die volgende dag nadat ek gebid het. Terwyl ek die vorm moet invul, trap hy my uit omdat ek te klein skryf, ek antwoord “nou vul jy die vorm in”. Net daar draai hy om en loop uit die gebou en los my daar. Ek moes huis toe stap! My teken waarvoor ek gevra het! Maar waarna ek nie geluister het nie!!

Die volgende Vrydag is ons in die hof getroud en begin my volgende 5jaar van hel!

Binne die eerste week van ons huwelik was ek geslaan as ek net iets verkeerd sê, as ek gewaag het om terug te antwoord was ek verwurg, as iets in die huis op verkeerde plek was, het die hel losgebreek en was ek gegooi met die eerste ding wat naby was, van ‘n melkbottel tot ‘n koffietafeltjie. Die man was perfeksionisties en ek moes ook wees. As ek nie reg aangetrek het volgens hom nie was my klere sommer van my afgeskeur en moes ek ander klere aantrek.

In die oggende voor hy werk toe gaan moes ek sy hemp en broek (wat uit die kas kom) stryk! Hy het dit nie aangetrek as ek dit nie eers gestryk het nie. Goed wat alreeds gestryk was, moes gestryk geword het voordat hy dit aantrek.

Ek het ook gewerk. Hy het my by die werk afgelaai en opgetel. Ek mag met niemand gepraat het nie, anders was ek toegesnou en geskel vir ‘n hoer, maak nie saak of dit voor die gebou was waar ek gewerk het nie, en hoeveel mense daar was nie.

Ek mag nooit geld gehad het nie, my salaris het net so na hom gegaan. As ek iets nodig gehad het moes ek hom vra, en sou hy dit of vir my koop of vir my geld gee, (as ek dit na sy mening regtig nodig gehad het), en die kleingeld en strokie moes ek vir hom terug gee. Ek mag net gekoop het wat ek voor gevra het, niks ekstra nie en die kleingeld moes 100% reg wees anders het die hel weer los gebreek.

My kanse om uit hierdie huwelik te kom was so min soos niks. Sonder geld kon ek maar net bly waar ek was. Voor ander mense was ek behandel soos ‘n prinses, die beste vrou wat enige man ooit voor kon vra, agteraf was ek geskel omdat ek te vriendelik was met ‘n mans persoon, of iets vir ‘n vrou gesê wat nie van toepassing was nie, of ek was te stil,  of het hom verneder op een of ander manier…hy sou wel fout vind met iets wat ek gedoen het, en rede kry om my te klap of met die vuis te slaan of aan die hare rond te trek. As ek alles moes vertel wat in daai huwelik gebeur het sal ek ‘n boek kan skryf, maar ek gaan dit kort hou en  net noem dat ek met ‘n warm pot kos gegooi was wat op die stoof gestaan en kook het omdat ek hom terug geantwoord het, ek was amper uit die kar gestamp op die hoofweg na Pretoria, ek was voor mense verwurg, met die vuis in my maag geslaan, geskop, voor sy kinders van sy vorige huwelik verneder deur my te skel vir ‘n hoer en my klere van my liggaam afgeruk, omdat ek vir die seuntjie gesê het hy moet eers eet voor hy lekkergoed eet. Dit is seker nie nodig om te noem dat sy eks-vrou hom gelos het vir dieselfde redes nie.

Behalwe dat hy my fisies aangerand het, het hy my, seksueel en emosioneel net so afgebreek, die enigste goeie ding in ons huwelik was dat ek kon klere rekenings he want ek moes ten alle tye op my beste lyk, hy het glad nie omgegee dat ek geld spandeer op my klere rekenings nie….in teen deel dit was van my verwag om dit te doen sodat dit kon lyk asof sy trofee aan sy arm nie te kort het aan enige iets nie.

Die ander goeie ding wat uit ons huwelik gekom het was dat ek ambisieus geword het. Ek het baie hard gewerk om die leer te klim, ek was gewoond teen die tyd om altyd my beste te gee, en het sodoende vinnig bevordering by die werk gekry. Deur ‘n vennoot was ek ‘n pos aangebied by ‘n ander maatskappy en kort voor lang, op die ouderdom van 23 was ek die Persoonlike Assistent van die CEO van die maatskappy waar ek gewerk gekry het.

Teen hierdie tyd het ek self werk toe gery omdat hy in Johannesburg Middestad gewerk het en ek in Rosebank.

Dit was niks vreemds dat hy oor n naweek nie sou huistoe kom nie, hy het “pool” gespeel en baie gedrink en sou op ‘n Vrydagaand na werk gaan speel en eers Sondagmiddag by die huis aankom. Goed gedrink, moeg en humeurig. Ek het eeers na ons egskeiding uitgevind dat hy verhoudings gehad het.

Een Vrydag moes hy my by werk aflaai en optel want sy kar was in vir ‘n diens en hy het my kar gebruik. Die middag na werk het hy gaan pool speel en ek moes wag dat hy my moes kom haal. Gelukkig het my baas hulle ook die Vrydag na werk drankies by die werk gedrink en kon ek binne die kantoor wag. Teen ongeveer 9uur kom hy by die werk aan om my op te tel en ek het nie geweet hy wag buite nie, die volgende oomblik storm hy in die kantoor en skel my dat ek met my base hoerreer en gee my 1 minuut om in die kar te wees of ek kan self by die huis kom. Ek hoef seker nie te vertel wat het gebeur toe ek in die kar klim nie!

By die huis gekom het ek kamer toe gegaan en my klere begin uittrek toe hy die kamer binne storm. Ek het net ‘n T-hemp aangetrek en nog nie my broek aangehad nie, hy het my geskel dat ek ‘n hoer is en dat ek saam my baas (wat 60jr oud was) slaap. Dit was winter, en ek is net so met T-hemp uit die huis gegooi om buite te slaap soos hoere doen. Hy het eers die volgende oggend 8uur die deur oopgesluit sodat ek kon inkom.

Die Maandag by die werk het my baas my ingeroep en gevra wat gaan by die huis aan, ek het gese niks hy was net gedrink, maar my baas het lankal vermoed dat ek geslaan word. Hy het my ‘n verhoging aangebied en gese ons gaan ‘n ander rekening vir my oopmaak en die verhoging gaan hy in daai rekening betaal en nie saam my salaris nie, hy sou die kaartjie by hom hou en wanneer ek eendag die geld nodig het kan ek dit by hom kom haal.

Na hierdie insident waar ek amper verkluim het en met die verhoging het ek besluit wanneer ek genoeg geld het gaan ek wegloop sonder dat hy dit weet. Ek het intussen vir my beddegoed gekoop op my Edgars rekening en weggesteek by ‘n vriendin se huis.

Toe ek genoeg geld in die ander rekening gehad het, het ek ‘n woonstel gaan huur, en eendag ‘n man gehuur wat klein trekke doen en so het ek getrek toe hy by die werk was. Ons ontvangsdame by die werk het sy stem geken, en wanneer hy geskakel het, het sy gese ek het bedank en hulle weet nie waarheen ek is nie. Ek het my ouers vertel wat in ons huwelik aangegaan het en dat ek getrek het en dat hulle ook vir hom moet sê hulle weet nie waar ek is nie.

So het ek vir 3maande in my nuwe woonstel gebly sonder dat hy my in die hande kon kry.  Eendag het ek ‘n boodskap by die werk gekry dat ek ‘n sekere prokureur moes skakel oor ‘n egskeiding wat aangegee is, ek het hom geskakel en ons is so geskei. Ek moes hom net eendag weer sien om te teken vir die skeisaak by die prokureur se kantoor, en tot vandag het ek hom nooit weer gesien nie.

Hoekom sou ek nou sê die Here het my gehelp? Omdat ek glo dat Hy, dit op my baas se hart gelê het om my ‘n verhoging te gee, dat Hy my baas se oë oopgemaak het vir wat aangegaan het in my lewe. Niemand het geweet nie, nie eens my eie ouers en familie nie of enige vriendin nie. En dat Hy my genadig was om uit so huwelik te kon kom. Ek moes in die eerste plek geluister het toe ek die teken gevra het en gekry het, om weg te loop en nie met die man te trou nie, maar ons is mos ongehoorsaam en glo nie dat God ons gebede verhoor wanneer ons Hom vra vir wysheid en insig nie.

Ek is twee jaar later met my man getroud en ons het 3 wonderlike kinders. Vandag dien ek die Here met oorgawe en kan ek vrouens help wat in dieselfde situasie is.

Met God werk alles ten goed mee vir die wat Hom liefhet. En ek dank Hom vir my beskerming dat ek nie doodgemaak was in daardie huwelik nie, en dat Jesus my verlos het van alle vernedering, lae selfbeeld en minderwaardigheid wat ek deurgegaan het.

Dankie vir U hand van beskerming en 'n uitkoms wat U my gegee het deur genade.

Jesus seen
Belinda

EFESIËRS 2:8  Want uit genade is julle gered, deur die geloof, en dit nie uit julleself nie: dit is die gawe van God;

Jesus pas my gestremde dogter op terwyl sy verdwaal het.

June 9, 2012 Getuienis van Belinda Paar

·

Ek wil God ons Almagtige Vader dank en eer dat Hy vir Chene (my 10 jarige gestremde dogter) veilig gehou het en gehelp het dat ons haar terug kry, sy was vir omtrend 2 ure vermis.

Soos julle bo kan sien was dit die nag van 9 Junie 2012, dit was alreeds koud en in die winter, ongeveer 18:15 soek ek  haar en kan haar nêrens in die huis kry nie, my seun was vroëer (ongeveer 18h00) kafee toe en ek dink dit was toe dat sy by die hek uitgesluip het.

Ons bure is deel van die area se CPF, en ek het gou my buurman geskakel en gevra kan hy op die radio vra of iemand haar gesien het. Binne ‘n kwessie van ‘n minuut was die CPF lede hier om uit te vind wat sy aanhet en hoe lank sy alreeds vermis is.

Ek het ‘n foto van haar afgedruk van my rekenaar en vir almal gegee. Omdat meeste mense “two-way-radio’s” het in die buurt het, het omtrend almal hiervan te hore gekom. Binne ‘n paar minute was daar omtrend 70 mense opsoek na haar. Ek en my buurvrou het op die sypaadjie gestaan en fotos vir almal uitgeeel wat verby gekom het, wanneer die fotos amper op was het ek gou nog gedruk, en sy het net uitgedeel…die heeltyd het ek gebid en gevra “Jesus loop saam met haar asb” My buurvrou het ook ‘n radio gehad so ons kon hoor wat almal sê.

Ek het vir almal op die radio verduidelik dat sy nie kan praat nie, en dat sy nie sal kan sê waar sy woon nie, dat haar naam Chene is, en dat sy maklik saam enige een in ‘n voertuig sal klim want sy geniet om rond te ry, maar sou sy nie wou inklim nie, dat hulle my net moet laat weet waar sy is en daar moet bly sodat ek haar kan kom haal, of my man of iemand wat haar ken soontoe kan stuur.

My buurvrou was in trane, en het gevra hoe bly ek so kalm? Al wat ek kon antwoord was “ Want ek weet waar ookal sy is….Jesus is saam met haar!” Ek moes vashou aan geloof dat Jesus by haar is anders het ek dit heeltemal verloor.

Teen 19h00 was daar nog geen nuus omtrend haar nie! Ek het ons pastoor se vrou geskakel en gevra kan sy asb die vrouens van die gebedgroep kontak en vra dat hulle begin intee dat ons haar kry.

My swaer wat iemand in die aangrensende buurt ken het gevra dat hulle dit ook op hulle radio sal uitsaai dat mense ook daar na haar sal soek. Ek het nie besef dat dit in hulle buurt ook gegaan het soos in ons buurt nie, die mense het almal uitgegaan en haar begin soek, tot die skool meisies op scooter en seuns op motorfietse, mans het in karre gery, vrouens het twee-twee saam geloop en onder bosse gesoek en in elke erf probeer kyk of hulle haar kan sien. Die mense in die aangrensende buurt het nie ‘n foto van haar gehad nie en moes gaan op haar klere drag.

In die buurt langs ons, is ‘n pad wat na ‘n onbeboude, veld area gaan, maar net voor jy uit die area gaan is daar ‘n huis wat op hulle sypaadjie ‘n groot kruis  wat uit “sleeper-hout” gemaak is het. Dit was ongeveer 20h10 toe dit deurkom op die radio dat ‘n man en vrou haar by die kruis gekry het, omgeveer 10km van waar ons woon. Die man en vrou het haar opgetel, en my swaer en suster ontmoet en haar vir hulle gegee om huis toe te bring.

Die verligting, om te hoor sy is veilig en oppad huis toe was te groot, dit was eers toe dat ek in trane uitbars en net die Here begin bedank het.

Omdat die strate so besig was, het hulle gesukkel om deur die verkeer te kom om haar by die huis te kry…dit is hoeveel mense op en af in die strate was opsoek na haar.

Terwyl ek hierdie tik loop die trane van vooraf. Dat mense so onbaatsugtig kon wees om uit te kom in die koue, kinders op motorfietse en scooters, vrouens wat gestap het, mans wat rondgery het….en natuurlik Jesus wat saam haar gestap het. Was dit nie vir geloof in die Here nie, het ek haar nie terug gekry nie, ek glo dit met alles binne my, ek glo dat Jesus daardie aand of Sy engele gestuur het, of self saam haar was, dit kon so ander uitgedraai het, die verkeerde persoon kon haar opgetel het, en selfs al het die regte persoon haar opgetel, hoe sou hulle weet waar om haar heen te neem, omdat sy nie kan praat nie.

Dit is met ‘n onsettende dankbaarheid teenoor ons Skepper dat sy veilige huistoe gekom het, en ek loof en prys Hom alleen dat sy niks oorgekom het behalwe seer voetjies nie, want sy was kaalvoet!

Ek dank elke mens wat gehelp soek het, dit was asemrowend om te sien dat mense so saam kan staan en so vinnig kon uitkom in die koue om te help soek. Daar is nog baie goeie mense met harte van goud in die wêreld, ons besef dit net nie, maar weereens dankie aan Jesus wat dit op hulle harte gelê het om te kom help soek.

My gebed is elke dag dat alle kinders veilig sal wees en beskermd sal wees onder Jesus Bloed, en my danksegging teenoor die Here sal nooit genoeg kan wees vir Sy liefde nie.

Met dankbare lofprysing sing ek U toe O, Almagtige God van Hemel en aarde!

Ps 91:11&12  want Hy sal Sy engele aangaande jou bevel gee om jou te bewaar op al jou weë, Hy sal jou op die hande dra, sodat jy jou voet teen geen klip sal stamp nie.

Hemelse Vader red my lewe van dwelms.

3 JAAR SKOON VANDAG!!!!

 Ek kan steeds nie glo waar ek was (foto links) en waar ek nou is (foto regs) en ek WEET met God in my hart is daar geen terugkeer! My hart breuk vir die mensies daar buite wat nog vasgevang is, vriende en familie wat die seer saam die verslaafdes moet dra. Ek bid vir elke liewe een van julle elke dag. 

Ek voel so gebless, soveel liefde en dankbaarheid in my hart. Sonder God sou ek dit nooit kon en kan doen nie!

Dankie ook vir elke liewe mens wat vir my gebid het en bygestaan het, my liefdehad het en in my geglo het toe ek nie myself kon liefhe en geen hoop meer gehad het nie. Spesiale dankie aan Oorwinnaars Middelburg, Freedom Recovery Centre en Middelburg Observer, almal wat my steeds bystaan en hierdie awesome daggie saam met my in dankbaarheid deel. 

Grootste dank aan my Hemelse Vader vir al Sy liefde en genade in my lewe, my pragtige dogtertjie waarmee Hy my geseen het en elke liewe dag se wakker word as 'n sterk en gesonde mamma. 

Blessings vir almal!

Monique Germishuizen
 7 June 2016

JES 40:31  maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie. 

FILIPENSE 4:13  Ek is tot alles in staat deur Christus wat my krag gee. 

Hoe God bekende mense se lewens verander het.

In 1998, Jane Fonda became a born-again Christian. She discusses her faith in her book My Life So Far.  She said that she developed an eating disorder when she was 60 years old and Christianity helped her get her life back in order.


Actor Chuck Norris is a born-again Christian and he has written several Christian books. He supports incorporating Bible studies into public schools. He is 75 years old

Actor Gary Busey became a born-again Christian after suffering a life threatening motorcycle accident in 1988. In 1996, he was quoted as saying, "I am proud to tell Hollywood I am a Christian. For the first time I am now free to be myself."Gary Busey describes that power of prayer saying, "Prayer should be in appreciation, not in supplication."


Mr. T is a born-again Christian. After Hurricane Katrina in 2005, he gave away all his gold, stating, "As a Christian, when I saw other people lose their lives and lose their land and property... I felt that it would be a sin before God for me to continue wearing my gold."

God openbaar sonde

Ek het vermoed dat my kinders deurmekaar geraak het met dwelms, ek was nie seker nie, omdat ek nie kennis van dwelms gehad het nie, maar hulle gedragspatrone het so vinnig verander, hulle was ongeskik, het begin skool bank, en hulle het albei vreeslik gewig verloor, alhoewel hulle verskriklik baie geëet het.

Ek het hulle kamer deursoek en kon niks vind nie, ek het na my skoonsuster gegaan en gevra, asb bid saam my, ek is seker die seuns is deurmekaar met dwelms, ons het saam gebid en sy kry Skrif! Sam 25:35. Ons lees dit saam…”Kyk Ek het jou versoek gehoor en Ek staan dit goed. Wees gerus en gaan maar huis toe”

Die middag staan ek en my man en kyk na ons visdam in die tuin en praat oor hoe groot die Koi’s geword het, my seun kom staan by ons en gesels saam oor die visse, my ander seun kom later ook daar staan en sê ewe skielik “Ma en Pa, ek rook boom” Ek het amper omgeval van skok. Toe hy dit erken, erken die ander een skielik ook “Ja ek rook dit ook” Ek kon nie ‘n woord uitkry nie, my man was net so geskok en het net gevra “Nou hoekom doen julle dit?”

Ons het onder die lapa gaan sit en met hulle gepraat, my jonger seun wat eerste kom erken het, het gesê, hy weet nie hoekom hy dit gesê het nie, dit het net uitgekom….maar ek het geweet hoekom dit net “uitgekom” het!! Net die Here wat jou laat erken as jy sondig!

Ek het hulle die volgende dag na ‘n maatskaplike werker geneem by die SAPS en hulle in ‘n groep laat inskryf waar hulle elke week, en daarna elke maand getoets was om te sien of hulle weer gebruik het. Hulle moes vir 6maande gaan.

Ek dank die Here vandag dat hulle albei vry is van dwelms, maar het so dankbare hart teenoor die Here dat hulle uit hul eie na ons gekom het en ons vertel het voordat dit te vêr gegaan het!

Net vir ander ouers wat dit ook vermoed met hulle kinders wil ek sê as jy in jou kinders se kamers gaan soek kyk op die plekke waar jy dit die minste sal verwag, my seuns het ‘n sny in die kant van die matras gemaak, en dit daar weggesteek….ek sou nooit eers daaraan gedink het om daar te gaan kyk nie.

Mag Jesus elke kind wat daaraan dink om dwelms te gebruik keer voor hulle dit doen!

Dankie Jesus.

SPREUKE 28:13  Hy wat sy oortredinge bedek, sal nie voorspoedig wees nie; maar hy wat dit bely en laat staan, sal barmhartigheid vind.

Jesus verlos my van rook.

Ek het baie lank gesukkel om op te hou rook. Die goed het so mag oor my gehad, ek het gebid en gevra vir hulp, maar gevoel ek kry dit nie, min het ek besef dat wanneer jy God vra om jou te verlos van gewoonte sondes, daai gebed onmiddelik verhoor word!

Die Sondag na die gebed gaan ek kerk toe en daar preek die pastoor oor gewoonte sondes, soos drink en rook, en noem dat God daai gebed onmiddelik verhoor, as ons dan aanhou met rook is dit ons eie vrye wil. Dit was asof die pastoor geweet het wat ek die week gebid het.

Ek het na kerk by die huisgekom gebid en gevra dat Jesus my vrymaak en verlos van rook en het my sigarette gebreek en weggegooi. Dit was op 18/08/2008!

Prys die Here!

HABAKUK 3:19  Die HERE Here is my sterkte, en Hy maak my voete soos dié van herte, en Hy laat my tree op my hoogtes. 

Heilige Gees leer my die Woord!

Gelykenis van die saaier! 

Ek is ‘n baie skaam mens en doen baie Bybel studies om my kennis van die Woord te hê en die Woord te ken soos God sê: Skryf My Woord op die tafels van jou hart.

Na jare se studies sukkel ek nogsteeds om goed in die Bybel te onthou, en is ek te skaam om dit oor te dra na ander. Ek bid en vra dat God my sal help dat ek die goed wat ek leer kan onthou asook dat ek dit weer kan gebruik om die evangelie te kan verkondig.

Na my gebed neem ek die Bybel en maak dit oop om my daaglikse Woord te lees, en hierdie oggend maak ek oop op Mark 4 Die gelykenis van die saaier, waar die saad op vrugbare grond val en groei.

Van daardie dag af het my kennis in die Woord vergroot en vermenigvuldig, eendag bel ‘n vriendin wat weet dat ek baie studies doen en vra sy het hulp nodig kan sy met my kom praat oor die Bybel, ek antwoord met die grootste plesier, na die oproep gaan bid ek en vra “Here asb laat ek vandag uit U mond praat nie my eie nie”, en God gee my Skrif!

 Mark 4:10  “Aan julle is die insig in die geheim van die Koningkryk van God gegee”

Ek wil net vir ander sê wat dalk ook sukkel om die Woord te kan onthou, bid en vra vir kennis en openbaring van die Woord, glo my jy sal verbaas wees hoe God hierdie gebed van jou gaan verhoor as jy glo dat dit verhoor is! God wil hê dat ons Sy Woord moet ondersoek en ken, sodat ons nie gevang kan word deur satan nie, maar ook sodat ons die Evangelie aan ander kan verkondig, en ander kan bemoedig en raad gee, en omdat dit God se wil is, sal Hy die gebed dadelik verhoor.

Wees geseend in die Woord van God wat was, en is, en altyd sal wees!

Halleluja!! Al die eer aan Koning van die Heelal

God se vrede met u almal.

1 JOH 2:27  En die salwing wat julle van Hom ontvang het, bly in julle, en julle het nie nodig dat iemand julle leer nie; maar soos dieselfde salwing julle aangaande alles leer, so is dit ook waar en geen leuen nie; en soos dié julle geleer het, so moet julle in Hom bly. 

God voorsien finasiële deurbraak binne ‘n week.

Ek bid vir ‘n vriend van my dat God vir hom deure sal oopmaak vir finansiële verligting in sy lewe. Hy is baie hardwerkend maar sy inkomste is min en hy sukkel om al sy verpligtinge na te kom. Ek vra dat sy base se oë sal oopgaan en hom sal raaksien in die maatskappy, hoeveel ekstra ure hy insit in sy werk en hoe suksesvol hy is in al die projekte wat hy aanpak.

‘n Week later vertel hy my dat sy baas hom ingeroep het en meegedeel het dat hulle sy harde werk waardeer en dat hulle besluit het om hom te bevorder na ‘n bestuurspos. Behalwe dat hy dan ‘n hoër salaris sal kry gaan hulle ook na ‘n kommissie struktuur kyk op die projekte waarmee hy werk.

 Nadat hierdie deur vir hom oopgemaak is deur net God, is hy ‘n jaar later aangestel as een van die Direkteure van die maatskappy en werk hy vandag as die Besturende Direkteur van die Maatskappy.

Jesus het gesê: (Joh 10:10) Die duiwel kom om te roof, steel en slag, Ek het gekom dat julle kan lewe in oorvloed! Hierdie is ‘n getuienis van daardie een versie in die Woord. Want my vriend leef nie net in finansiele oorvloed nie maar ook in ‘n gelukkige huwelik met 2 kinders en ‘n geestelike oorloed wat hy daagliks oordra na sy kinders toe.

Dankie Jesus dat U die Woord waar maak!

U kry al die glorie vir al die goeie dinge in ons lewens.

JES 26:4  Vertrou op die HERE vir ewig, want in die Here HERE is 'n ewige rots. 

Jesus red 'n huwelik!

Daar is geen perke in gebed nie!

Hierdie is ‘n getuienis wat ek annoniem wil plaas asseblief.

My swaer het ‘n verhouding vir baie lang tydperk gehad en almal het daarvan geweet behalwe my suster. Niemand wou haar daarvan vertel nie, omdat almal bang was om haar seer te maak. Intussen het hy my suster al hoe kouer en leliker behandel en hulle huwelik was regtig op die rotse.

Ek bid en vra dat God aan haar sal openbaar wat aangaan in haar man se lewe, sodat sy sal ophou om haarself te blameer omdat hulle huwelik nie suksesvol is nie.

Twee weke nadat ek dit gebid het, en al vergeet het dat ek dit gebid het, kom my suster na my in trane. Sy het haar man se laptop oopgemaak en ‘n e.pos gekry waar hy en ‘n ander vrou met mekaar gesels en sy kon duidelik sien dat dit ‘n verhouding is nie net ‘n gesels nie.

Sy het met haar man oor dit gepraat, hy  het dit alles ontken, sy wou skei! Haar hart was in 1000 sukkies. Weer bid ek en vra asseblief Here red hierdie huwelik.

Alhoewel sy wou skei, wou haar man  nie skei nie, hulle het gegaan vir huweliksberading, en in een van die sessies sê hy vir haar “My vrou, ek weet ek het jou seer gemaak, en ek is jammer, ek weet nie hoekom ek dit gedoen het nie, maar ek weet nou dat ek jou moes verloor, om te besef wie jy is, sal jy dit asb in jou hart kan vind om my te vergewe want ek wil en kan jou nie verloor nie”

Dit het ‘n rukkie geneem, maar hulle huwelik is nou sterker as ooit te vore, dit is amper asof hulle pas getroud is!

Net die Here kan sulke vergifnis in mens laat plaasvind, en net die Here kan ‘n huwelik so seen dat hulle na 20jr se huwelik lyk asof hulle pas getroud is.

Satan wou verwoes, maar Jesus het gered! Dankie Jesus vir hierdie pragtige gesin en getuienis.

Amen

MATTHEUS 19:5  en gesê het: Om hierdie rede sal die man sy vader en sy moeder verlaat en sy vrou aankleef, en hulle twee sal een vlees wees;

MATTHEUS 19:6  sodat hulle nie meer twee is nie, maar een vlees? Wat God dan saamgevoeg het, mag geen mens skei nie. 

Jesus staan agter die Dokter tydens my blaas operasie.

Ek moes gaan vir ‘n blaas operasie, op die operasie tafel val my bloeddruk onsettend laag en die narkotiseerder kry nie ‘n aar om in te spuit nie.

Ek maak my oe toe vir ‘n oomblik en vra “Ag Here wees U in beheer  van hierdie operasie en laat die dokter net ‘n aar vind, in Jesus Naam Amen.

Toe ek my oë oopmaak sien ek duidelik hoe staan Jesus se gestalte agter die dokter! Die Dr sê, Gits kyk hoe pop jou are nou op” en hy spuit my in.

Die operasie was ‘n baie groot sukses en ek dank die Here elke dag vir Sy liefde en genade en dat Hyself inbeheer was van die hele operasie en narkose.

Ons dien ‘n wonderlike God van wonders en liefde en ek wil Hom al die eer en lofsange toesing vir Sy Almagtigheid en Bo menslike liefde vir ons.

Sylvia

NAHUM 1:7  Die HERE is goed, 'n toevlug in die dag van benoudheid, en Hy ken die wat by Hom skuil. 

Die Here voorsien werk

Ek word gevra om vir ‘n man te bid vir werk. Hierdie is ‘n moeilike mens, glad nie ‘n mense-mens nie en kom nie met mense oor die weg nie, maak van ‘n moshoop ‘n berg, oorreageer oor alles en is moedswillige oor alles.

Maar aan die einde van die dag het God hom ook geskape en sal God vir hom ook voorsien, so ek bid die Woensdag vir hom en vra dat hy werk sal kry en dat die werk wat hy kry by sy persoonlikheid sal pas, asook kan God sy oë oopmaak sodat hy kan sien hoe hy oorreageer op alles en hom help om sy persoonlikheid te verander.

Die Saterdagmiddag ontvang ek ‘n sms van sy vriendin dat hy werk gekry het en begin die Maandag te werk. Teen die volgende Woensdag ontvang ek weer ‘n sms van haar wat sê dat hy vir haar gesê het dat hy begin verstaan hoekom mense se hy oorreageer, hy het net skielik agtergekom dat hy dit doen!

Hoe wonderlik is dit nie om te weet dat ons vir ander kan intree en dat God hulle lewens sal aanraak nie? God is getrou aan Sy Woord.

Die gebed van ‘n regverdige dra groot krag. Bid sonder ophou en Paulus sê “bid tot jou vreugde groot is”

Al die eer en dank aan ons getroue God van liefde.

Jesus Liefde aan elkeen

PSALMS 37:4  en verlustig jou in die HERE; dan sal Hy jou gee die begeertes van jou hart. 

God praat met ons deur Sy Woord, ons moet net luister.

Ek onthou toe ek net tot bekering gekom het, het God op my hart gelê dat ek  vir die siekes moet bid vir genesing. Omdat ek nie gewoond was daaraan om hardop te kon bid nie, het ek vreeslik baklei teen die gedagte wat bly opkom het, ek was op daai stadium baie skaam en teruggetrokke, en sou ek vir iemand bid en ek maak ‘n fout in die gebed, glo en nie ek sou ooit weer vir iemand kon bid nie.

Eendag, nadat ek weer die gedagte sterk beleef het, het ek gebid en gevra as dit dan regtig God se wil is dat ek vir die siekes moet bid, kan Hy dit asb in die Bybel vir my bevestig, terwyl ek dit bid maak ek sommer net die Bybel oop, ek bid verder en nadat ek gebid het kyk ek waar die Bybel oopgemaak is. Ek kon nie glo wat ek lees nie, presies wat ek in gebed gese en gevra het staan duidelik in die Skrif wat voor my oop lê.

Jeremia 1…veral vanaf vers 5

JER 1:5  Voordat Ek jou in die moederskoot gevorm het, het Ek jou geken; en voordat jy uit die liggaam voortgekom het, het Ek jou geheilig; Ek het jou tot 'n profeet vir die nasies gemaak.

JER 1:6  Toe het ek gesê: Ag, Here HERE, voorwaar, ek kan nie praat nie, want ek is jonk.

JER 1:7  Maar die HERE het vir my gesê: Moenie sê: Ek is jonk nie; want na wie Ek jou ook al stuur, moet jy gaan; en wat Ek jou ook al beveel, moet jy spreek.

JER 1:8  Wees vir hulle nie bevrees nie, want Ek is met jou om jou uit te red, spreek die HERE.

JER 1:9  Toe het die HERE sy hand uitgestrek en my mond aangeroer; en die HERE het vir my gesê: Hiermee lê Ek my woorde in jou mond.

JER 1:10  Kyk, Ek stel jou vandag aan oor die nasies en oor die koninkryke om uit te ruk en om te gooi en te vernietig en te verwoes, om te bou en te plant.

Die heel eerste persoon na wie die Here my gestuur het was my eie siek pa. EK het die dag vir hom gebid, en was nog besig om te bid vir genesing toe die Heilige Gees oorneem en ek vra skielik my pa of Hy vir Jesus al aangeneem het as sy Verlosser. Hy het ja geantwoord en gevra dat hy dit weer wil doen. Hy het agter my aangesê dat hy Jesus aanneem as Verlosser en sy sonde bely voor Jesus.

‘n Week later is my pa oorlede, ek is so dankbaar dat die Here my na Hom gestuur en sodat hy sy lewe met Sy Verlosser kon regmaak voor dit te laat was. Maar dankie ook God dat U getrou is aan U Woord want U het daardie dag my lippe aangeraak en die Heilige Gees het my gerig en gestig om daai gebed te kon doen, nie net vir my pa se siel om gered te word nie, maar ook om vir my die wete te gee dat my pa na Jesus gegaan het toe hy oorlede is.

Vers 10 het ook in vervuling gekom in my lewe. Ek is vandag al 12jaar in die bediening en het mense reg oor die wereld al gehelp met geestelike bystand en raad.

Al die eer en lof aan ons Getroue Vader, die genade van Jesus en die wysheid van die Heilige Gees.

Oorvloedige Jesus seen vir almal

Belinda

OPENB 3:20  Kyk, Ek staan by die deur en Ek klop. As iemand my stem hoor en die deur oopmaak, sal Ek ingaan na hom toe en saam met hom maaltyd hou, en hy met My.

OPENB 3:21  Aan hom wat oorwin, sal Ek gee om saam met My te sit op my troon, soos Ek ook oorwin het en saam met my Vader op sy troon gaan sit het.

OPENB 3:22  Wie 'n oor het, laat hom hoor wat die Gees aan die gemeentes sê.